बनेपा । जिल्ला खेलकुद विकास समिति काभ्रेपलाञ्चोकले जिल्लामा पहिलो पटक जिल्लास्तरिय राष्ट्रपति रनिङ शिल्ड महोसव–२०८१ गर्ने भएको छ । बागमती प्रदेशका मुख्यमन्त्री बहादुर सिं लामाको प्रमुख आतिथ्यतामा सो महोत्सव हुन लागेको हो ।
आगामी फागुन ९ गते बनेपा नगरपालिकास्थित वडा नं. ६ बुडोलमा रहेको जिल्ला खेलकुद विकास समितिको कार्यालय प्राङ्गणमा उद्घाटन हुने जिल्ला खेलकुद विकास समिति काभ्रेपलाञ्चोकका अध्यक्ष मानवीर लामाले बताए । उनका अनुसार महोत्सवमा पालिकास्तरमा राष्ट्रपति रनिङ शिल्ड प्रतियोगितामा छनौट भएका जिल्लाका सबै पालिकाका खेलाडीहरुको सहभागिता रहनेछ ।
त्यससंगै जिल्लास्थित खेलकुद संघबाट समेत खेलाडीहरुको सहभागिता रहने आयोजक समितिले जनाएको छ । खेलकुद महोत्सवमा सबै पालिकाका खेलाडीहरु, जिल्लास्थित सम्पूर्ण खेल संघ, खेलाडीहरु, खेलप्रेमी तथा शुभचिन्तकहरुलाई सहभागिताका लागि अनुरोध गरेको छ ।
