बनेपा/काभ्रेपलाञ्चोक जिल्लाका बाढी पीडितलाई नेशनल लघुवित्त वित्तिय संस्था लि. उग्रतारा शाखाले राहत वितरण गरेको छ।
पनौती नगरपालिका-१२, धुलिखेल - ८ र ११, पाँचखाल -५ र ६ , बनेपा 14 का गरी ५५ जना बाढी पीडितलाई संस्थाले खाद्यन्नलगायत राहत सामाग्री वितरण गरेको नेशनल लघुवित्त वित्तिय संस्था लि. शाखाकार्यालय उग्रताराका शाखा प्रमुख कल्पना लामाले जानकारी दिनुभयो।
अशोजको १० देखि १३ सम्म अविरल वर्षापछि आएको बाढीले पीडित बनेका परिवारलाई राहत सहयोग गरिएको नेशनल लघुवित्त वित्तिय संस्थाका नायब प्रमुख कार्यकारी अधिकृत देवेन्द्र ब.बस्नेतले बताए।
‘संस्थामा आबद्ध सदस्य हाम्रो परिवार जस्तै हो। उहाँहरु दुःखमा रहेको बेला थोरै भएपनि सहयोग गरेर दुःखमा साथमा छौँ भनेर महसुस गराउन राहात वितरण गरेका हौँ,’ उनले भने, ‘हामी हरेक सामाजिक कार्यमा साथमा छौँ।’
शनिबार बनेपाको उग्रतारा शाखाले ५५ सदस्यलाई चामल, दाल, तेल, नुनलगायत खाद्यन्न सहयोग गरेको शाखा प्रमुख लामाले बताइन्।
‘बाढीले घर भत्किएका छन्। अन्नपात भिजेको छ। बाढीको पीडामा रहेका सदस्यलाई एक महिना पुग्ने गरी खाद्यान्न सहयोग गरेका छौँ,’ उनले भने, ‘
विपद्ले क्षति पु-याएको क्षेत्रका स्थानीयको पीडामा मलह्म लगाउने उद्धेश्यले संस्थाले सहयोग गर्दै आएका डिसीइओ देवेन्द्र ब.बस्नेत बताउँछन्।
