काठमाडौं/नेकपा एकिकृत समाजवादी सम्वद्ध युवा संघ नेपालको पिपुल्स भोलेन्टियर्स’ले ३० औँ मदन-आश्रित स्मृति दिवसका अवसरमा मदन-आश्रित ‘नकआउट सेभेन ए साइड’ खुला फुटसल प्रतियोगिताको आयोजना गरेका छन ।
प्रतियोगिता उद्घाटन गर्दै पूर्व प्रम तथा एकिकृत समाजबादी पार्टी माधव कुमार नेपालले नेपालको लोकतान्त्रिक आन्दोलनमा मदन भण्डारी सहित जीवराज आश्रितको योगदान महत्वपूर्ण रहेको बताउनुभयो ।
त्यस्तै कार्यक्रममा पार्टीका उपाध्यक्ष प्रमेश हमाल , युवा संघका उपाध्यक्ष नितेश पौडेल, पोलिटब्युरो सदस्य दिलकुमारी पन्त , अनेरास्ववियु अध्यक्ष सुदेश पराजुली लगायतले शुभकामना मन्तव्य दिनुभएको थियो ।७८ वटा टिमको सहभागिता रहेको प्रतियोगिता ९ दिनसम्म चल्ने जानकारी युवा संघ नेपालका स्थायी कमिटी सदस्य समीप त्रिपाठीले दिनुभयो। ९ दिन सम्म चल्ने उक्त प्रतियोगितामा पहिलो हुनेलाई ३ लाख, दोस्रो हुनेलाई २ लाख र तेस्रो हुने लाई १ लाख राशीको पुरस्कार ट्रफी र प्रमाणपत्र को व्यवस्था भएको युवा संघका स्थायी कमिटी सदस्य समीप त्रिपाठीले बताउनु भयो । कार्यक्रमको सञ्चालन युवा संघका तिर्थ श्रेष्ठले गर्नु भएको थियो ।
