धुलिखेल/धुलिखेल उद्योग वाणिज्य संघको अध्यक्षमा कोमल सुन्दर श्रेष्ठ विजयी हुनुभएको छ । शनिबार भएको निर्वाचनबाट श्रेष्ठ अध्यक्षमा विजयी हुनुभएको हो ।
श्रेष्ठले निकटतम प्रतिद्वन्दी राजिव प्रकाश खोजसँग ५ मतको अन्तर वियजी हुनुभएको हो । श्रेष्ठले ९१ मत ल्याउँदा खोजुले ८६ मत प्राप्त गर्नुभएको थियो ।
संघमा २ सय ४४ जना सदस्य रहेका छन् । संघमा २१ जना कार्य समिति सदस्य रहने ब्यवस्था छ । सर्वसम्मत चयन भैसकेका कार्यसमिति सदस्यहरुमा अनन्तकृष्ण श्रेष्ठ, महेश यगोल, तोम सापकोटा, विजयालक्ष्मी श्रेष्ठ, ज्योत्सना श्रेष्ठ, दिपेश घिनाङ्जु, भवसागर श्रेष्ठ, समनकाजी श्रेष्ठ, मनिष कोजु लगायत १५ जना सदस्य रहेका छन् । बाँकी ५ जना नव निर्वाचित कार्य समितिको बैठकले मनोनित गर्नेछ ।
यसअघि मन्जु कोजु नेतृत्वको कार्यसमितिको नियमित म्याद २०७६ साल भदौँ महिनामा सकिएको थियो । तीनवर्षे कार्यकाल सकिएपछि पटक पटक म्याद थप भएको ३ वर्षपछि मात्र धुलिखेल उद्योग वाणिज्य संघले नयाँ नेतृत्व पाएका छन् । सघको विधान अनुसार नियमित समयावधि सकिएको ३ महिना र विशेष कारण देखाएर अर्काे ३ महिना थप गर्न पाइन्छ । तर कोभिड लगायत विभिन्न कारणले पटक पटक म्याद थप्दा पनि निर्वाचन नभएपछि समितिको वैधतामाथि नै प्रश्न उठेको थियो ।
