धुलिखेल : सञ्चार रजिष्ट्रारको कार्यालयको आयोजनामा काभ्रेको धुलिखेलमा सञ्चारकर्मीहरुका लागि ५ दिने चलचित्र एप्रेसियसन कार्यशाला शुरु भएको छ।
बागमती सञ्चार रजिष्ट्रार रेवती सापकोटाले तालिमको उद्घाटन गर्नुभएको थियो । सहभागीहरुलाई अनुप सुवेदी र अरुण देव जोशीले सैद्धान्तिक र व्यवहारिक प्रशिक्षण दिनुभएको छ।
तालिमको उद्घाटन गर्दै सञ्चार रजिष्ट्रार सापकोटाले तालिम उपयोगी हुने विश्वास व्यक्त गर्नुभयो । रजिष्ट्रार सापकोटाले पत्रकारले आफूले लेख्ने समाचारसँगै चलचित्रको समिक्षा, कथावस्तुको बारे जानकारी हुनुपर्ने बताए। चैत २१ गतेसम्म २५ गतेसम्म सञ्चालन हुने र तालिममा बागमती प्रदेशमा क्रियाशिल २१ पत्रकारहरु सहभागी रहेको तालिम संयोजक शर्मिली कर्माचार्यले बताउनु भयो।
