काठमाडौँ । डिपिएस क्रिउको कथा/निर्देशन रहेको र डिपिएस क्रिउ, बिनोद विनय अफिसियल, कान्छु फिल्म्स मिडिया प्रा.लि. को सहकार्यमा मैनारानी टेलि श्रृङ्खला निर्माण भएको छ । "मैनारानी "नामक यस श्रृङ्खलामा विशुद्द सामाजिक कथामा आधारित छोरा र छोरीमा विभेद अन्त हुनुपर्ने र छोरा नै चाहिन्छ भन्ने मान्यताको अन्त गर्दै छोराछोरी समान हुन् भन्ने सन्देश खोजेको निर्माता नितेश पुर्कोटी बताउँछन् ।
कथाको विषयवस्तुमा एउटा बाउले छोरा चाहँदा चाहँदै छोराको ठाउँमा जन्मिएकी छोरी मैनारानी हुन्छिन्। बाउले छोरा चाहेका हुन्छन् तर छोरी जन्मिन्छिन् छोरी जन्मिएपछि बाउले सुत्केरी आमालाई कुट्ने पिट्ने गर्दछ। छोरी मैनारानी दुःख कष्ट सहेर सानैमा छोडेर गएको प्रेमी फर्केर आउँछ कि भन्ने आशमा बसेकी हुन्छिन् ।
नयाँ कलाकारहरुको बाहुल्यता रहेको यो सिरियलको मुख्य भूमिकामा जोशना मगर, पार्वती अर्याल, अमिर तोलागाई, प्रदिप भुसाल, विनय लामा, सुनिता बिक, सन्तोष मिजार, दिपक मैनाली लगायतको अभिनय देख्न सकिन्छ । सिरियलको सल्लाहकार बिष्णु बहादुर मिजार(सागर), दिनेश प्याकुरेल, सुनिल ढलकुटी रहेका छन्। यस टेलिसिरियलको अधिकांश छायाङ्कन पनौती नगरपालिका-९, सुन्थान ओमडाँडा गरेका छन्।
