उत्कृष्ट शैक्षिक गन्तव्यका लागि चौंरीदेउराली” शिक्षा नीतिको घोषणा,
जनयुद्ध जनआन्दोलन तथा वेपत्ता परिवारहरुलाई मासिक ३ हजार राहत दिने घोषणा,
"अध्यक्षसँग गृहिणी महिला" कार्यक्रमको घोषणा
चौंरीदेउराली/चौंरीदेउराली गाउँपालिकाकाे १२ औं गाउँसभा शनिबार एक कार्यक्रमका बीच सम्पन्न भएको छ ।
१२ औं गाउँसभामा पालिका अध्यक्ष रेणुका चौलागाईंले कार्यक्रमको अध्यक्षता गर्दै आर्थिक वर्ष २०८०/०८१ को लागि पालिकाको नीति तथा कार्यक्रम प्रस्तुत गर्नुभएको थियो ।
शनिबार प्रस्तुत गर्नुभएको नीति तथा कार्यक्रममा उत्कृष्ट शैक्षिक गन्तव्यका लागि चौंरीदेउराली” शिक्षा नीतिको घोषणा, जनयुद्ध जनआन्दोलन तथा वेपत्ता परिवारहरुलाई मासिक ३ हजार राहत दिने घोषणा, "अध्यक्षसँग गृहिणी महिला" कार्यक्रमको घोषणा लगायत विभिन्न कार्यक्रम घोषणा गर्नुभएको छ।
उपाध्यक्ष शेरबहादुर लामाले स्वागत र गाउँपालिकाका प्रमुख प्रशासकीय अधिकृत महानदास लामाले सञ्चालन गर्नुभएको कार्यक्रममा वडा अध्यक्षहरु, सम्पूर्ण गाउँसभाका सदस्यहरु, कर्मचारीहरु, पत्रकारहरु र सुरक्षाकर्मीहरुको बाक्लो उपस्थिति रहेको थियो।
#नीति तथा कार्यक्रमको पूर्ण पाठ इपेपरमा हेर्नुहोला।
