भक्तपुर — नेपाली कांग्रेसका सभापति एवं पूर्व प्रधानमन्त्री सम्माननीय शेरबहादुर देउवाले भक्तपुर क्षेत्र नं. २ को पार्टी कार्यालयमा आइतबार विशेष भ्रमण गरेका छन्। भ्रमणको क्रममा सभापति देउवाले स्थानीय नेता-कार्यकर्ताहरूसँग आत्मीय भेटघाट गर्नुका साथै पार्टी संगठनलाई अझ सशक्त बनाउने विषयमा मार्गनिर्देशन प्रदान गरे।
सभापति देउवाले कार्यकर्ताहरूको मनोबल उच्च बनाउने खालको सम्बोधन गर्नुका साथै संगठनभित्र देखिएका चुनौती र सम्भावनाहरूबारे खुलेर छलफल गर्ने अवसर समेत दिनुभयो। उहाँको उपस्थितिले क्षेत्रीय कार्यकर्ताहरूमा नयाँ ऊर्जा थपिएको नेताहरूले बताएका छन्।
यो महत्वपूर्ण भेटघाटको समन्वय र सम्भव बनाउने कार्यमा विशेष भूमिका निर्वाह गर्नु भएका नेपाली कांग्रेसका वरिष्ठ नेता, पूर्व उपसभापति तथा पूर्व उपप्रधानमन्त्री माननीय विमलेन्द्र निधि, भक्तपुर कांग्रेस सभापति माननीय दुर्लभ थापा र सभापति देउवाका स्वकीय सचिव भानु देउवाप्रति क्षेत्र नं. २ का सभापति भेषबहादुर कार्कीले हार्दिक आभार प्रकट गरेका छन्।उक्त विशेष कार्यक्रममा कार्कीले सभापति देउवाप्रति आभार ब्यक्त गर्दै देउवा र निधिलाई मायाँको चिनो काँग्रेसको चार तारे झण्डा प्रदान गर्नुभयो ।
क्षत्रिय सभापति कार्कीले देउवा जस्तो शीर्ष नेताको सन्देश र साथ पाउनु क्षेत्रीय संगठनका लागि प्रेरणादायक भएको बताएका छन्। उनले आगामी दिनहरूमा संगठनलाई अझ सुदृढ र जनमुखी बनाउने प्रतिबद्धता समेत व्यक्त गरेका छन्।
