मुख्य समाचार
सुदन गुरुङले गृहमन्त्री पदबाट दिए राजीनामा, छानबिनको लागि बाटो खुला गरेको भनाई | कांग्रेसको आधिकारिकताबारे विवाद टुंगियो, सर्वोच्चद्वारा गगन थापा पक्षलाई मान्यता | ठमेलमा कवि द्वय डा. अधिकारी र चिमौरियाद्वारा कविता वाचन | इमानदार कम्युनिष्ट नेता भरत लामिछानेको निधन, विचार र जीवनशैलीले छाड्यो गहिरो प्रभाव | लक्ष्मी शर्माको कथासङ्ग्रह ‘हजुरआमा’ लोकार्पित | गुणस्तरीय शिक्षाबाट आत्मनिर्भर भविष्यतर्फ : लिन स्कुलको नयाँ दृष्टि- - शिशिर भण्डारी | जेन–जी उभारको झण्डै दुईतिहाइको सत्ता: जनादेश, शक्ति-सन्तुलन, जवाफदेहिता र परीक्षा | पुर्व प्रधानमन्त्री केपी ओली र पुर्व गृहमन्त्री रमेश लेखक पक्राउ, अब के होला? | कार्की आयोग प्रतिवेदन: सत्यको सन्तुलन कि चयनात्मक व्याख्या ? | महिला कानुन व्यवसायी सम्मेलन: पेशागत समानता र समावेशितामा जोड |
मुख्य समाचार
सुदन गुरुङले गृहमन्त्री पदबाट दिए राजीनामा, छानबिनको लागि बाटो खुला गरेको भनाई | कांग्रेसको आधिकारिकताबारे विवाद टुंगियो, सर्वोच्चद्वारा गगन थापा पक्षलाई मान्यता | ठमेलमा कवि द्वय डा. अधिकारी र चिमौरियाद्वारा कविता वाचन | इमानदार कम्युनिष्ट नेता भरत लामिछानेको निधन, विचार र जीवनशैलीले छाड्यो गहिरो प्रभाव | लक्ष्मी शर्माको कथासङ्ग्रह ‘हजुरआमा’ लोकार्पित | गुणस्तरीय शिक्षाबाट आत्मनिर्भर भविष्यतर्फ : लिन स्कुलको नयाँ दृष्टि- - शिशिर भण्डारी | जेन–जी उभारको झण्डै दुईतिहाइको सत्ता: जनादेश, शक्ति-सन्तुलन, जवाफदेहिता र परीक्षा | पुर्व प्रधानमन्त्री केपी ओली र पुर्व गृहमन्त्री रमेश लेखक पक्राउ, अब के होला? | कार्की आयोग प्रतिवेदन: सत्यको सन्तुलन कि चयनात्मक व्याख्या ? | महिला कानुन व्यवसायी सम्मेलन: पेशागत समानता र समावेशितामा जोड |

प्रवास समाचार
बोस्टनमा सम्पन्न अन्तर्क्रिया कार्यक्रम उत्साहवर्द्धक : नारायणकाजी श्रेष्ठ

Thearaniko Times 1372+ समाचार ( )
१ श्रावण २०८२, बुधवार

बोस्टन, अमेरिका

नेपाल कम्युनिस्ट पार्टी (माओवादी केन्द्र) का वरिष्ठ नेता नारायणकाजी श्रेष्ठले अमेरिका, बोस्टनमा सम्पन्न एनआरएनए म्यासाचुसेट्स च्याप्टरको समसामयिक अन्तर्क्रिया कार्यक्रमलाई उत्साहवर्द्धक बताएका छन्।

हार्वर्ड र एमआईटीजस्ता विश्वविख्यात विश्वविद्यालयहरूको सहर बोस्टनमा आयोजना भएको कार्यक्रममा नेपाली समुदायसँग सघन अन्तरक्रिया भएको उनले बताएका हुन्। उक्त कार्यक्रम एनआरएनए म्यासाचुसेट्स च्याप्टरका अध्यक्ष प्रचण्ड श्रेष्ठको सभापतित्वमा र उपाध्यक्ष राजु गुरुङको सञ्चालनमा सम्पन्न भएको थियो।

कार्यक्रममा एनआरएनए अमेरिकाका उपाध्यक्ष प्रेम तामाङले स्वागत मन्तव्य व्यक्त गरेका थिए भने समाजसेवी मिलान गुरुङले शुभकामना मन्तव्य राखेका थिए। कार्यक्रममा विचार राख्दै श्रेष्ठले नेपाल र प्रवासी नेपालीबीचको सम्बन्ध, प्रवासीको भूमिका र योगदान, राष्ट्रिय समृद्धि तथा सामाजिक उत्तरदायित्वका विविध पक्षबारे आफ्ना धारणा राखेका थिए।

श्रेष्ठका अनुसार कार्यक्रममा उपस्थित प्राध्यापक, बुद्धिजीवी, पत्रकार, समाजसेवी र व्यवसायीहरूबाट विविध सुझाव, प्रश्न र जिज्ञासाहरू उठेका थिए, जसलाई उनले सकेसम्म सम्बोधन गर्ने प्रयास गरेको बताए।


वैज्ञानिकहरूसँग विशेष भेटघाट

उक्त दिन श्रेष्ठले बोस्टनस्थित MGH Cancer Center मा कार्यरत नेपाली अनुसन्धानकर्ता र वैज्ञानिकहरूसँग पनि भेटघाट तथा छलफल गरेका थिए। छलफलमा सहभागी वैज्ञानिकहरूमा डा. जितेन्द्र श्रेष्ठ, डा. डण्ड चापागाईं, डा. सुनिल पौडेल, डा. अमरप्रसाद गुप्ता, डा. शैलेन्द्र ढकाल, डा. निराजन श्रेष्ठ, डा. अनिल उप्रेती, डा. राजकुमार पन्त, रञ्जन मास्के र सिता श्रेष्ठ थिए।

"उहाँहरू सबैले नेपालको समृद्धिका लागि अनुसन्धानमार्फत योगदान पुर्‍याउने विशिष्ट सुझावहरू दिनुभयो," श्रेष्ठले बताए।


श्रेष्ठले उनीहरूले सञ्चालन गरिराखेको प्रयोगशालाको अवलोकन गर्ने अवसर पनि पाएको उल्लेख गर्दै सबै वैज्ञानिकप्रति आभार प्रकट गरे।

व्यक्तिगत भेटघाट र आभार

बोस्टन बसाइका क्रममा उनले आफूलाई आतिथ्यता दिएका प्रचण्ड श्रेष्ठ तथा उनको परिवार, राजु गुरुङ, अनिल श्रेष्ठ, सुबोध श्रेष्ठ, उत्सव गुरुङ, मिलन गुरुङ, प्रेम तामाङ लगायतका सबैप्रति आभार व्यक्त गरेका छन्।

"दाजु प्रेमचन्द्र श्रेष्ठ र भाउजूलाई भेट्दा अत्यन्त खुसी लाग्यो। विरोचन नेपाललाई धेरै पछि भेट्दा गहिरो प्रसन्नता अनुभव भयो," उनले भने। त्यस्तै, छोरी प्रतिमा, भाइ राजकुमार र बुहारीसँग भेट हुँदा पनि खुसी लागेको उनले उल्लेख गरे।

श्रेष्ठ हाल बोस्टनबाट वाशिङ्टनतर्फ प्रस्थान गरेका छन्।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार