सामाजिक सुरक्षा कोषमा आवद्ध श्रमिकले ५५ अस्पतालमा निःशुल्क उपचार गर्न पाउने

कोषले अस्पतालमा ८० प्रतिशत रकम भुक्तानी दिने

काठमाडौँ / योगदानमा आधारित सामाजिक सुरक्षा कोषमा आवद्ध श्रमिकले ५५ अस्पतालमा परिचयपत्र (कार्ड) देखाएर निःशुल्क उपचार गर्न पाउने भएका छन् । सामाजिक सुरक्षा कोषले स्वचालित विद्युतीय प्रणालीमा आधारित स्वास्थ्य सेवा प्रवाहको शुभारम्भ गरेको १ वर्ष पुरा भएको छ । कोषले अनलाइनको शुभारम्भ गरेसँगै अनलाइन प्रणाली सातै प्रदेशमा रहेका ५५ अस्पतालमा कोषको परिचयपत्र देखाएर निःशुल्क उपचार गर्न सकिने व्यवस्था गरेको हो । स्वचालित विद्युतीय प्रणाली सेवाको शुभारम्भ गरेसँगै कोषमा आवद्ध श्रमिकले  निःशुल्क रुपमा तोकिएका अस्पतालहरूमा उपचार गराउन पाउने छन् । काभ्रेको शिर मेमोरियल अस्पताल बनेपा र धुलिखेल अस्पतालमा पनि यो सुविधा उपलब्ध गराउने भएको छ । धुलिखेल अस्पतालले सामाजिक सुरक्षा कोषसँग सम्झौता गरिसकेको जानकारी अस्पतालका प्रशासकीय प्रमुख प्रद्युम्न श्रेष्ठले जानकारी दिनुभयो । सामाजिक सुरक्षा कोष मार्फत गरिने स्वास्थ उपचारमा १ लाख २५ हजार बराबरको सेवा पाइने यसको सकारात्मक पक्ष रहेको श्रेष्ठले बताउनुभयो । 

कोषले परीक्षणकालमा योगदानकर्ताले औषधि उपचार गराएपछि सम्बन्धित अस्पताललाई ८० प्रतिशत रकम जम्मा गरिदिने र बाँकी २० प्रतिशत स्वयंले बेहोर्नुपने व्यवस्था मिलाएको बताइएको छ । यसअघि स्वचालित विद्युतीय प्रणाली शुरुवात नभएको हुँदा योगदानमा आधारित कोषमा आवद्ध श्रमिकहरूले औषधि–उपचारबापतको रकम भुक्तानी लिन कोषमा नै दाबी गर्नुपथ्र्यो । तर अब अस्पतालमा सुरक्षा कोषको कार्ड देखाएर निःशुल्क उपचार गर्न सक्नेछन् । 

अस्पतालले श्रमिकको सम्पूर्ण जानकारी अनलाइनमार्फत लिएर कोषलाई जानकारी गराए पश्चात अस्पताललाई अनलाइनमार्फत नै भुक्तानी दिनेछ । अस्पतालसँग विभिन्न चरणमा छलफल गरेर अनलाइन प्रणाली सुरु गरिएकाले कार्यान्वयनमा समस्या नआउने कोषले जनाएको छ । 

कतिपय अस्पतालले एमओयू र अनलाइन प्रणाली एकैसाथ सुरु गर्ने गरी तयारी पनि भइरहेको छ । 

आबद्ध अस्पतालहरु