काठमाडौं/काभ्रेबाट काठमाडौं गइ विभिन्न व्यवसायमा संलग्न युवाहरुको बैठकले बाढी पहिरो पीडितलाई थप राहत वितरण गर्ने गरेको छ। बुधबार नेपाली काङ्ग्रेसको केन्द्रिय सद्स्य गणेश लामाको प्रमुख आतिथ्यता र बाढीपहिरो पीडित निवारण कोषका अध्यक्ष अशोक लामाको अध्यक्षतामा ठमेलमा बसेको बैठकले बाढीपहिरो पीडित घर परिवारको क्षतिको पहिचान गरी पीडित परिवारलाई पुनर्निर्माण, व्यवस्थापन तथा आवश्यक घर निर्माण सामाग्री राहत स्वरुप वितरण गर्ने निर्णय गरेको छ।
समाजसेवी गुन्जमान लामाका अनुसार बैठकले बाढीपहिरोबाट अवरुद्ध बाटोघाटोहरु तुरुन्त खुलाउने र आवश्यक तेल उपलब्ध गराउन सम्बन्धित निकायमा तुरुन्त बुझ्न र अन्य स्रोतबाट पनि संचालन गर्ने निर्णय पारित गरेको छ ।
यसैगरी बनेपादेखि नमोबुद्ध हुँदै रोशी गाउँपालिका फलामेसाँघुसम्म संचालित सार्वजनिक सवारी साधनले बढी भाडा लिएको जनगुनासो आएकोले त्यस विषयमा काभ्रे बस संचालक समितिसँग तुरुन्त छलफल गरी ध्यानाकर्षण गर्ने निर्णय पारित गरेको समाजसेवी गुन्जमान लामाले जानकारी दिनुभयो।
समाजसेवी लामाका अनुसार बाढीपहिरो पीडित निवारण कोषका कोषाध्यक्ष बिशाल सेन्चुरीले अहिलेसम्म बाढीपहिरो पीडितहरुलाई राहत सहयोगको खर्च विवरण र कोषमा भएको रकम जानकारी गराएपछि बैठक समापन भएको थियो ।
