इटहरी/नेकपा (एकीकृत समाजवादी) को भातृ संगठन युवा संघ नेपालको महाकाली मेची जागरण अभियान सम्बद्ध युवाहरुलाइ बुधबार प्रदेश १ को इटहरीमा भव्य स्वागत गरिएको छ । युवा संघ नेपालका युवाहरुलाइ नेकपा ( एकीकृत समाजवादी ) का केन्द्रीय सदस्य केशव कुमार बिष्ट सहित सुनसरी जिल्ला कमिटीका पदाधिकारी तथा पार्टीको भातृ सङ्गठनका युवाहरुले अबिर लगाएर स्वागत गरेका हुन् ।
बुधबार साँझ इटहरीमा आइपुगेको युवा संघको टोलीलाई नेकपा ( एकीकृत समाजवादी ) सुनसरी जिल्ला अध्यक्ष गोविन्द निरौला , सुनसरी इन्चार्ज महफुज आलम, सुनसरी उप सचिव राजेश भण्डारी , इटहरी नगरकमिटी इन्चार्ज केवल फुयाल साथै विभिन्न भातृ सङ्गठनका युवा तथा पदाधिकारीले भब्य नाचगान सहित इटहरीमा स्वागत गर्दै पूर्वी मेची तर्फको यात्रामा साथ दिएका थिए ।
पश्चिम कञ्चनपुरको महेन्द्रनगरबाट शुरु भएको अभियानमा गतः शुक्रबार बिहान युवाहरुले महाकाली नदीमा नुहाएर अभियानको प्रारम्भ गरेका थिए। भदौ १५गतेदेखि सुरुभएको जागरण अभियान २३ गते मेची नदीमा पुगेर समापन हुने युवा संघ नेपालका केन्द्रीय सचिव भेषराज शाहले जानकारी दिनुभयो।
युवा संघ नेपालले कञ्चनपुरको सिमानामा राष्ट्रिय झण्डा गाडेर राष्ट्रियताको पक्षमा युवाहरु जागरुप छन् भन्ने सन्देश दिँदै अभियानको सुरुवात गरेको थियो। यो अभियान राष्ट्रियता कै पक्षमा भएकाले युवा संघ नेपालले आफ्ना विभिन्न क्रियाकलापहरु मध्ये जागरण अभियानलाई पनि प्राथमिकतामा राखेर देशव्यापी अभियान सञ्चालन गरेको सचिव शाहको भनाई छ। महाकाली मेची अभियानले विशेषतः युवाहरूलाई संगठित गर्न सहयोग गर्ने शाहको तर्क छ, साथै युवा सङ्घको संगठन देशभरी छ भने सन्देश दिनेछ। यसले सतापक्ष र विपक्षलाई पनि युवा सङ्घको जनसंगठन , शक्ति र तागत कति छ भन्ने सोच्न बाध्य हुनुपर्ने शाहले जिकिर गर्नुभयो।
महेन्द्रनगरबाट सुरुभएको जागरण अभियान बुटवल हुँदै हेटौंडामा शक्ति प्रदर्शनका साथै कोणसभा गरी सम्पन्न भएको छ। हिजो सातौ दिनमा हेटौंडाको कार्यक्रम सकेर युवा सङ्घको अभियान टोली मधेस प्रदेश तिर लागेको थियो। अभियान टोली मधेस प्रदेशको सिराहाको बन्दिपुर पुगेर कोणसभामा गरेको छ। तराइका २२ जिल्ला समेटेर महाकाली बाट मेची पुगेर काठमाडौंमा भव्य आमसभाका साथ अभियानको समापन गरिने कार्यक्रम रहेको छ।
यथार्थमा भएको यहि हो भन्ने प्रमाणित हुँदैछ,सामाजिक संजालमा विभिन्न तरिकाले गालिगलोज,टिकाटिप्पणी भइ रहेकोछ,तथ्य बुझेरमात्र कमेन्टगर्न अनुरोध गर्छु, सहिद देशको हाे र अम्मर रहन्छ।वार्ताको माध्यमबाट समस्याको समाधान निकालौ।