पनौती/नेकपा(एकीकृत समाजवादी) पनौती नगर कमिटी १२ वडाको बिस्तारित बैठक जिल्ला कमिटी अध्यक्ष बसुन्धरा हुमागाईको उपस्थितिमा संपन्न भएको छ । केही व्यक्तिहरुले सिंगै वडा कमिटी एमालेमा बिलय गराएको भ्रमपूर्ण प्रचारपछि बसेको बैठकले पनौती नपा –१२ मा नेकपा (एकीकृत समाजबादी) पार्टी एकढिक्का र ससक्त रहेको र पार्टीले निष्कासन गरेका दुई चारजनालाई प्रवेश गराएको नाटक गरेर भ्रम सिर्जना गर्न खोजेकोले यस्तो भ्रमको पछि नलाग्न सबैमा अनुरोध गरेको बताइएको छ ।
बैठकमा एमालेमा प्रवेश गराईएको भनेर सार्वजनिक गरेको सुचिमा रहेका व्यक्तिहरु बैठकमा उपस्थित भै आफुहरु एकीकृत समाजवादी मै रहेको र आफ्नो सहमति बेगर नाम राखेर चरित्र हत्या गरेकोमा आपत्ति जनाउँदै भ्रममा नपर्न अपिल गर्नुभएको छ । नेकपा एकीकृत समाजबादी पनौती नपा १२ को बिस्तारित बैठक वडा कमिटी अध्यक्ष रामेश्वर दाहालको अध्यक्षतामा बसेको कमिटीलाई पुर्नगठन समेत गरेको थियो ।
