काठमाडौं/ स्थानीय तहको विभिन्न पदमा उम्मेदवारी दिनेहरुकोसंख्या एक लाख ४१ हजार पुगेको छ ।
स्थानीय तहमा मनोनयन दर्ता गर्नेहरुको संख्या एक लाख ४१ हजार ४ सय ६८ पुगेको निर्वाचन आयोगले जानकारी दिएको हो ।
आयोगका अनुसार महानगर, उपमहानगर र नगरपालिकाको नगरप्रमुखमा तीन हजार ३ सय १८, नगर उपप्रमुखमा दुई हजार ३६ जनाको उम्मेदवारी परेको छ । गाउँपालिकाको अध्यक्षमा तीन हजार ३ सय ६ जनाको र उपाध्यक्षमा २ हजार ३ सय ४३ जनाको उम्मेदवारी परेको छ ।
त्यस्तै वडाअध्यक्षमा ३३ हजार एक सय ११, महिला सदस्यमा २४ हजार २ सय ८३, दलित महिला सदस्यमा २१ हजार ९ सय ७९ र सदस्यमा ५१ हजार ९२ जनाको उम्मेदवारी परेको आयोगले जनाएको छ ।
स्थानीय तहका उम्मेदवारको संख्या एक लाख ४१ हजार ४ सय ६८
१४ वैशाख २०७९, बुधवार
