बनेपा । ललितपुरको कराँते हलमा तीनदिनसम्म चलेको प्रथम सिएच आईटीएफ एसियाली तेक्वान्दो प्रतियोगितामा काभ्रेली टिमले एक स्वर्ण र एक कास्य पदक जित्न सफल भएको छ । आइतबार समापन भएको प्रतियोगितामा काभ्रेबाट २० जना खेलाडी सहभागी भएका थिए ।
८ एसियाली मुलुकबाट करिब एक हजार २ सय खेलाडीहरुको सहभागिता रहेको सो प्रतियोगितामा ८५ स्वर्ण ८५ कास्य र ११६ स्वर्ण पदक मध्ये २५ स्वणर्सहित नेपालले टिम च्याम्पियनको उपाधि जितेका थिए ।
काभ्रेबाट स्वर्ण पदकमा स्पाइरिङ तर्फ महिला ५०-५५ के.जि.तौल समुहमा स्मृति राई प्रथम र रजत पदकमा ४ डान प्याट्रन तर्फ कृष्णकुमार थापा मगर तृतिय भएका छन । ६ सय भन्दा बढी सहभागी खेलको प्रतिस्पर्धामा उनिहरु फाईनल खेलमा जित हासिल गर्दै राईले प्रथम स्थान हासिल गरेकी हुन भने थापा मगरले दोस्रो स्थान हासिल गरेका हुन्।
यस्तै १२ स्वर्णर्सहित बंगलादेशले फस्ट रनरअप भएको छ । ७ स्वर्णसहित मलेसियाले सेकेन्ड रनर अपको उपाधि हात पारेको छ । प्रतिस्पर्धा इन्डिभिजुल स्पाईरिङ, इन्डिभिजुल प्याट्रन र ग्रुप प्याट्रन गरी ३ विधामा भएको हो।
