मन्डनदेउपुर – बोधिसत्व बिहार बुढानिलकण्ठ काठमाडौंको गुरु ह्वाङ सिको सहयोगमा धुलिखेलमा रहेको कान्छीमाया फाउन्डेसनको सहजिकरणमा मण्डनदेउपुर नगरपालिका वडा नं १० चण्डेनीमण्डनमा जेष्ठ नागरिकहरुलाई न्यानो कपडा वितरण गरिएको छ ।
पत्रकार ज्ञानमणी नेपालका अनुसार मण्डनदेउपुर नगरपालिकाको वडा नं १० भित्र २०८० मंसिर मसान्तसम्म ६८ बर्ष पुगेका बृद्धहरु र अपाङ्गता, विपन्न दीर्घरोगीहरु सबैलाई न्यानो कपडा वितरण गरिएको हो । न्यानो कपडा बितरण कार्यक्रममा वडाका सिमान्तकृत माझी र दलित सबै परिवारलाई समेत न्यानो कपडा बितरण गरिएको थियो । अपाङ्गता भएका परिवार र बिपन्न दीर्घरोगी परिवारलाई खाद्यान्न समेत बितरण गरिएको थियो । कार्यक्रममा एकल महिला तथा दलित जेष्ठ नागरिकहरुलाई ब्लाङ्केट बितरण, विद्यार्थीहरुलाई स्विटर बितरण गरिएको थियो । कार्यक्रममा सबै वर्गका नागरिक गरि मण्डनदेउपुर नगरपालिका वडा नं १० भित्रका सात सय ९० जनालाई न्यानो कपडा, ज्याकेट, खाद्यान्न, ब्लाङ्केट लगायतका सामग्री वितरण गरिएको वडा अध्यक्ष कुमार मोक्तानले जानकारी दिए ।
