बनेपा/दोस्रो जन आन्दोलन २०६२/०६३का जिउँदा सहिद मुकेश कायस्थको आज निधन भएको छ । उनको उपचारको क्रममा आज साँझ शीर मेमोरियल अस्पतालमा निधन भएको हो ।
उपचारको क्रममा आज साँझ बनेपा स्थित शिर मेमोरियल अस्पालमा निधन भएको हो । मुकेशलाई उपचारका लागि तीन दिनअघि अस्पतालमा भर्ना गरिएको थियो ।
शीर मेमोरियल अस्पतालले मुकेशको निधन भएको पुष्टि गरेको छ । अस्पताल भर्ना गर्दा मुकेशको शरीरमा निमोनियाको मात्रा निकै बढेको चिकित्सकहरुले बताएका छन् ।
बनेपा नगरपालिका वडा नम्बर ८ स्थायी घर भएका मुकेश वि.स २०६२ चैत २७ गते बनेपामा भएको आन्दोलनमा प्रहरीले चलाएको गोली लागि अचेत भएका थिए ।
जनआन्दोलनका बेला प्रहरीको गोली लागेर अचेत हुँदा मुकेश १५ वर्षका थिए ।
