पनौती–कक्षाकोठामै विद्यार्थीहरूमाथि यौन दुर्व्यवहार गरेको आरोपमा शिक्षक पक्राउ परेका छन्।
छात्रामाथि यौन दुर्व्यवहार गरेको आरोप लागेका काभ्रे जिल्लाको पनौती नगरपालिका वडा नं.–२ मा रहेको कुशादेवी मा.वि.को गणित शिक्षक तथा सहायक प्रधानाध्यापक छवि रमण गौतम शुक्रवार बनेपाबाट पक्राउ परेकाे इलाका प्रहरी कार्यालय बनेपाका प्रमुख डिएसपी रेसम बोहराले जानकारी दिनुभयो। पक्राउ परेका शिक्षकलाई जिल्ला अदालत काभ्रेबाट अनुसन्धानका लागि म्याद थप गरी अनुसन्धान अघि बढाइने प्रहरीले जनाएको छ।
गत बुधवार सो विद्यालयका ११ जना छात्राहरूले आफूहरू माथि शिक्षक गौतमले यौन दुर्व्यवहार गरेको भन्दै इलाका प्रहरी कार्यालय बनेपामा विद्यालयका प्रधानाध्यापक, विब्यसका पदाधिकारी सहितको रोहबरमा ११ जना छात्राले किटानी जाहेरी दिएको थियो । शिक्षक गौतम ९ वर्षदेखि उक्त विद्यालयमा अध्यापन गराउँदै आएका थिए।
